ما سبب انتشار الأشياء ؟

ملخص كتاب Contagious أو “معدي” ما سبب انتشار الأشياء ؟

أفضل كتاب في الـ Marketing 2014 حسب رأي مجلة الـ #Times

******************************************************************

الكتاب بيتلخص في 5 حاجات أساسية لو ركزت عليها هتقدر تعمل تسويق ناجح |

1) القيمة الإجتماعية 

لازم المنتج او الخدمة اللي بتقدمها تكون قادرة تحقق قيمة إجتماعية للعميل

زي مثلا إحساسه و هو بيشرب قهوة من #ستارباكس مثلا و بيتصور بيها و بيتكلم عنها عشان الناس تعرف إن هو بيشرب قهوته من مكان زي ده

او مهندس محمد اللي بيدفع دم قلبه عشان يشتري بيت فخم لمجرد إن الناس تعرف إن ده ملك مهندس محمد الحاجات دي بتتسمي #القيمة_الإجتماعية

2) فكرة الجرس 

متتوقعش إن الناس كل يوم هتصحي تفتكر لوحدها المنتج بتاعك او الخدمة بتاعتك

لازم تفكرهم علطول ويبقي ليك تواجد يومي في حياتهم عشان يفتكروك

3) المشاعر 

دايما اربط المنتج او الخدمة بمشاعر معينة لإن دي أكتر حاجة بتقرب المنتج للعميل

زي مثلا #Kitkat لما عملت الـ #Slogan بتاعها #Have_a_break_Have_a_Kitkat

او كوكاكولا و حملتها #افرح

المشاعر هي أكثر حاجة بيتجه ليها الـ Marketing عشان بتوصل بسرعة

4) القيمة العملية 

الحاجة اللي بتقدمها لازم يبقي قيمتها قوية و جودتها تكون عالية لإن دي اهم حاجة العميل #بيشتريها

5) قوة القصص 

من الحاجات المهمة جدا في التسويق هي القصص عشان هي أكتر حاجة بتشد الناس

وي مثلا لما طلعت إشاعة عن أحمد السقا قبل فيلم #الجزيرة و الشظية اللي جات في عينه و اتنقل بعدها علي المستشفي … كل الناس دخلت الفيلم عشان تشوف أحمد السقا بعد القصة دي و أمثلة كتير أوي 

من النهاية كده #التسويق من أهم العلوم المهمة في العالم في الفترة الحالية اللي لازم كل واحد يبقي عارف عنها سواء صاحب فكرة او صاحب خدمة او صاحب مشروع او حتي عشان تعمل لنفسك Personal Branding